這個episode，其實我只記得content，唔記得日期。個日期，又係KC腦震蕩時震出來的。
Aug 28，我們夜車落羅馬。今次好幸運，我們那一卡無其它人，我倆又可以拉低晒D椅子大覺睡了。我通常…到現在都是，抱著小背包睡的。大背包則放在架上。因為成晚夜車喎，所以大家都除了鞋，縮起對腳，像蝦米一般的睡啦。
睡到不知甚麼時候，忽然聽到KC大叫，唔記得佢嗌乜，總之係字正腔圓的中文！我便立即醒了，並坐起來！嚇然見到一個衣衫襤褸的人奪門而出！我正想著有沒有被偷去甚麼時，KC就話那個吉卜賽是企圖和意圖偷我的波鞋！
波鞋？！多麼惡毒！如果失了波鞋，我只有一對膠拖！那樣就真的糟透了。
幸好，多得睡得不太熟的KC的高警覺（點都要表揚一下的！），所以先力保不失。
當然，我亦問下KC點解會醒過來啦。KC就話，佢係背對牆睡的，即面向兩邊坐位的中間。其實，to be exact，佢唔係被嘈醒的，係被…臭醒的！那個吉卜賽身上所散發出來的酸宿味，實在是勁刺鼻的！要不是他那麼臭，他便不會被驚醒的，而我的波鞋便一定不保了！
所以，做賊的話，記得洗澡啊！
又得說回來。點解KC會記得我幾時差點被人偷波鞋呢？原來他沿途都是聽說法國落羅馬的火車治安差，而這個「臭賊事件」就剛好應了那個傳聞的危機！所以，他又記了16年了…
Subscribe to:
Post Comments (Atom)
1 comment:
我只有一對膠拖!<---睇到呢句笑死左我！
Post a Comment